මැකාවු විදියට අලුත් රසකට ඇෆ්රිකන් චිකන් හදමු

මැකාවු විදියට අලුත් රසකට ඇෆ්රිකන් චිකන් හදමු ! අද මම කියලා දෙන්න හදන්නෙ වෙනස් විදියකට අලුත් රසකට චිකන් කරියක් නැත්නම් ස්ටූ එකක් හදාගන්න විදිය. මැකාවු (Macau) නැත්නම් මැකාවෝ (Macao) වල මේ චිකන් එකට කියන්නේ ඇෆ්රිකන් චිකන් (African Chicken) කියලයි. බත් එක්කත් රසයි! පාන් නුඩ්ල්ස් එක්කත් රසයි! එක පාරක් හදලා බලන්නකෝ. මම වගෙම ඔයලාත් ඒ අලුත් රසට ගොඩාක් කැමතිවේවි.

මැකාවු විදියට අලුත් රසකට ඇෆ්රිකන් චිකන් හදමු (වීඩියෝව)

මැකාවු සහ ඇෆ්රිකන් චිකන් ගැන වචනයක් !

මැකාවු (Macau) නැත්නම් මැකාවෝ (Macao) ගැන ඔයාලා අහලා තියෙනවද? මැකාවු කියන්නෙ හොංකොං අසල කුඩා දූපතක්. හොං කොං සහ මැකාවු කියන ප්‍රදේශ දෙකම චීනය විසින් පාලනය කරන විශේෂ පරිපාලන ප්‍රදේශයන් දෙකක්. “ඇෆ්රිකන් චිකන්” කියන්නෙ මැකාවු වල හුගක් ප්‍රසිද්ධ ඒ වගෙම ජනප්‍රිය චිකන් ස්ටූ එකක්. ලංකාවේ විදියට කීවොත් චිකන් කරියක් වගේ එකක්. මේකට ඇෆ්රිකන් චිකන් කියල කීවාට මේක අප්‍රිකානු කෑමක් නෙමෙයි. නම විතරයි ඇෆ්රිකන්. මේක මැකාවු සූපවේදියෙකු විසින් නිර්මාණය කරන ලද රෙසිපි එකක්. ඒ රෙසිපි එක රටවල් කීපයක (චීන, පෘතුගීසි, ආසියානු සහ අප්‍රිකානු) අමුද්‍රව්‍ය/කුළුබඩු මිශ්‍ර කරලා හදලා තියෙන්නෙ! ඒ මුල්ම රෙසිපි එක රහසක් විදියට තියාගෙන ඉන්නවා කියලයි කියන්නේ.

මැකාවු විදියට අලුත් රසකට ඇෆ්රිකන් චිකන් හදමු (රෙසිපි)

මේ පිළිවෙලට හදාගත්තාම ලේසියි !

STEP 1 මුලින්ම කුකුල් මස් මැරිනේට් කරමු
STEP 2 සෝස් එක හදමු
STEP 3 ෆ්‍රයි කරගත්ත කුකුල් මස් සෝස් එකට දාලා උයාගනිමු
STEP 4 බේක් කරමු

අවශ්‍ය දේවල් (කුකුල් මස් මැරිනේට් කිරීම සඳහා)

චිකන් තයි 2ක් (හෝ වෙනත් චිකන් පාර්ට්ස්)
ගම්මිරිස් තේ හැඳි 1/2
ලුණු තේ හැඳි 1/2
කුරුඳු කුඩු තේ හැඳි 1/2
කරාබු නැටි කුඩු තේ හැඳි 1/2 (හෝ කුරුඳු කෑල්ලක්/කරාබු නැටි 2ක්)
මිරිස් කුඩු තේ හැඳි 1
අඹරාගත් ඉඟුරු සුදුළූණු මේස හැඳි 1
සිහින්ව කපාගත් ලූනු මේස හැඳි 1ක්
රෝස්මරී තේ හැඳි 1/2 (ඇත්නම්)
ඔලිව්/පොල්තෙල් මේස හැඳි 1
මස් බැඳීම සදහා තෙල්

අවශ්‍ය දේවල් (සෝස් එක සැදීම සඳහා)

ඔලිව්/පොල්තෙල් මේස හැඳි 2
අඹරාගත් ඉඟුරු සුදුළූණු මේස හැඳි 1
සිහින්ව කපාගත් ලූනු කෝප්ප 1/2ක්
බේ ලීෆ් 2 ක් ( ඇත්නම්)
මිරිස් කුඩු තේ හැඳි 1
පැප්රිකා මිරිස් කුඩු තේ හැඳි 1 (ඇත්නම්)
ගම්මිරිස් තේ හැඳි 1/2
ලුණු (රස අනුව)
පීනට් බටර්/අඹරාගත් රටකජු මේස හැඳි 1
චිකන් ස්ටොක් කෝප්ප 1/2ක්
තක්කාලි ඉස්ම කෝප්ප 1/2ක්
පොල් කිරි කෝප්ප 1/2ක්
විනාකිරි මේස හැඳි 2
සීනි මේස හැඳි 1
බටර් මේස හැඳි 1

මුලින්ම කුකුල් මස් මැරිනේට් කරමු

සියලුම ද්‍රව්‍ය කුකුල් මස් වලට එකතු කරලා හොඳට ගාන්න
පැය කීපයක් නැත්නම් රැයක් ෆ්‍රිජ් එකේ තියන්න

දැන් සෝස් එක හදමු

සෝස්පෑන් එකක තෙල් රත් කරන්න
ඉඟුරු සුදුළූණු එකතු කර සුවඳ එනකම් බදින්න
ලූනු එකතු කර කලවම් කරන්න
බේ ලීෆ්, මිරිස්, පැප්රිකා එකතු කර හොඳට කලවම් කරන්න
ගම්මිරිස්, ලුණු එකතු කර කලවම් කරන්න
ගම්මිරිස්, ලුණු, පීනට් බටර් එකතු කර හොඳට කලවම් කරන්න
පීනට් බටර් එකතු කර හොඳට කලවම් කරන්න
පොල් කිරි එකතු කර හොඳට කලවම් කරන්න
චිකන් ස්ටොක්, පොල් කිරි, තක්කාලි ඉස්ම, විනාකිරි සහ සීනි එකතු කර හොඳින් කලවම් කරන්න
හැඳිගාමින් විනාඩි 5 ක් පමණ මඳ ගින්නේ හිඳවාගන්න
බටර් එකතු කර හොඳට කලවම් කරන්න
දැන්, අපේ සෝස් එක හරි, ලිපෙන් බාගන්න